بیجنگ : تینتیسویں اپیک اکنامک لیڈرز میٹنگ میں شریک پیرو کی صدر کیکو فوجیموری نے چائنا میڈیا گروپ کو دیئے گئے ایک خصوصی انٹرویو میں کہا ہے کہ “اپیک صرف ایک اجلاس نہیں بلکہ پیرو کے لیے ایک بڑا موقع ہے۔” کیکو فوجیموری نے کہا کہ پیرو اور چین کے درمیان سفارتی تعلقات کے قیام کو پچپن سال مکمل ہو چکے ہیں۔ چین-پیرو آزاد تجارتی معاہدے کا اپ گریڈ یڈ پروٹوکول باضابطہ طور پر نافذ ہو گیا ہے۔ چین اور کسی لاطینی امریکی ملک کے درمیان یہ پہلا جامع آزاد تجارتی معاہدہ ہے اور 2010 میں اس کے نفاذ کے بعد سے اس نے دو طرفہ اقتصادی اور تجارتی تعاون کو فروغ دینے میں اہم کردار ادا کیا ہے۔انہوں نے کہا کہ پیرو اور چین کے درمیان دو طرفہ تجارت 2009 میں 6.4 بلین یوایس ڈالر سے بڑھ کر 2025 میں 50.4 بلین یوایس ڈالر تک جا پہنچی ہے، جو تقریباً سات گنا اضافہ ہے۔ ان کا کہنا تھا کہ پیرو جنوبی امریکہ کے وسطی حصے میں واقع ہے اور اس کی اہم اسٹریٹجک پوزیشن ہے۔ چانکے بندرگاہ پیرو میں چینی تعاون سے تعمیر کی گئی۔ ہمارا وژن پیرو کو جنوبی امریکہ میں لاجسٹکس کا مرکز بنانا ہے۔ کیکو فوجیوری نے کہا کہ وہ سمجھتی ہیں کہ پیرو اور چین کے تعلقات بہت اہم مرحلے سے گزررہے ہیں۔ دونوں فریق مختلف شعبوں میں دوطرفہ تعلقات اور تبادلوں کو گہرا کرنے، ثقافتی تبادلے بڑھانے اور سرمایہ کاری اور صنعت کاری کے عمل میں ایک دوسرے کی مدد کرنے کے لیے کام کر رہے ہیں۔ انٹرویو میں پیرو کی صدر نے بار ہا اس بات پر زور دیا کہ اپیک کے پلیٹ فارم سے پیرو کو اقتصادی اور تجارتی تعاون کے مواقع ملے ہیں۔ ساتھ ہی انہوں نے اس توقع کا اظہار بھی کیا کہ چین اور پیرو درآمدات و برآمدات، بنیادی ڈھانچے کی تعمیر اور سبز معیشت سمیت دیگر شعبوں میں تعاون کے مزید امکانات تلاش کر سکتے ہیں۔
اپیک صرف ایک اجلاس نہیں بلکہ پیرو کے لیے ایک بڑا موقع ہے۔”، پیرو صدر پیرو
- November 21, 2026
- 0 Comments
- Less than a minute
- 2 Views
- 3 hours ago

Share This Post:
Related Post
بگ ٹکٹ ڈی پی ورلڈ آئی ایل ٹی20 سیزن
November 21, 2026
ڈی پی ورلڈ آئی ایل ٹی20 سیزن 5 کا
November 21, 2026
شن زن کے ذریعے، ایشیا پیسفک کے کاروباری حلقے
November 21, 2026
انسانیت کے ہم نصیب معاشرے کے تصور کو سمجھنے
November 21, 2026
چین ، روس اور امریکہ کے سربراہان کی ملاقات
November 21, 2026
چین، روس اور امریکہ کے سربراہان مملکت کے درمیان
November 21, 2026

Leave feedback about this