چین کے صدر شی جن پھنگ نے شین زین میں 33ویں اپیک اکنامک لیڈرز میٹنگ کی صدارت کی اور”ایشیا پیسیفک کمیونٹی کی تعمیر، ایشیا پیسیفک معجزے کے نئے باب کا آغاز” کے عنوان سے اہم خطاب کیا۔جمعرات کے روز
شی جن پھنگ نے واضح کیا کہ اس وقت دنیا میں صدی کی بڑی تبدیلیاں تیزی سے رونما ہو رہی ہیں جبکہ سائنسی و تکنیکی جدت اور صنعتی جدت بھی تیزی سے آگے بڑھ رہی ہیں۔ نئے مواقع اور چیلنجز کے پیش نظر ایشیا پیسیفک تعاون کو نئی صورتحال سے ہم آہنگ ہونے، نئی رفتار پیدا کرنے اور نئی صورتحال تشکیل دینی چاہیے، تاکہ باہمی تعاون، کھلے پن، باہمی ربط، جدت اور جامع ترقی پر مبنی ایشیا پیسیفک کمیونٹی کی تعمیر کو فروغ دیا جا سکے۔
شی جن پھنگ نے کہا کہ ایشیا پیسیفک کمیونٹی کی تعمیر کے لیے باہمی تعاون اور یکجہتی کو برقرار رکھتے ہوئے کھلے پن اور باہمی ربط کو فروغ دیا جائے، جدت اور نئے راستوں کی جستجو کی جائے اور جامع ترقی کو برقرار رکھا جائے۔
انہوں نے کہا کہ چین ایشیا پیسیفک اقتصادی تعاون کا حامی، اسے فروغ دینے والا اور اس میں پیش قدمی کرنے والا ملک ہے۔ چین تمام فریقوں کے ساتھ مل کر اجتماعی دانش سے فائدہ اٹھاتے ہوئے مشترکہ قوت مجتمع کرنے اور ایشیا پیسیفک کمیونٹی کے “چار ستون اور آٹھ بنیادیں” مضبوط کرنے کے لیے تیار ہے۔
پہلا ستون اقتصادی و تجارتی تعاون کا ہے۔ علاقائی اقتصادی و تجارتی معاہدوں کے درمیان ہم آہنگی کو فروغ دیا جائے ، ایشیا پیسیفک آزاد تجارتی زون کے حوالے سے پالیسی مذاکرات مضبوط کیے جائیں اور تمام فریقوں کی اعلیٰ سطح کے اقتصادی و تجارتی انتظامات میں شرکت کی صلاحیت بہتر بنائی جائے ۔
دوسرا ستون رابطوں کو اپ گریڈ کرنا ہے۔ “ہارڈ کنیکٹیویٹی” کو مستحکم کرتے ہوئے بنیادی ڈھانچے کے نیٹ ورک کو بہتر بنایا جائے ، “سافٹ کنیکٹیویٹی” کو مضبوط بناتے ہوئے پالیسی اور نگرانی کے امور میں ہم آہنگی کو فروغ دیا جائے ، جبکہ “دلوں کے رابطے” کو گہرا کرتے ہوئے افرادی و ثقافتی تبادلوں اور عوام کے درمیان باہمی روابط اور قربت کو فروغ دیا جائے ۔
تیسرا ستون جدت کا ہے۔ ڈیجیٹل بنیادی ڈھانچے کی تعمیر مضبوط کی جائے ، علاقائی ڈیٹا گورننس اور باہمی تعاون کو بہتر بنایا جائے ، کھلے پن پر مبنی جدت کا ماحول تشکیل دیا جائے ، اے آئی کے وسیع پیمانے پر استعمال کو فروغ دیا جائے اور صنعتی تبدیلی و اپ گریڈنگ کو آگے بڑھاتے ہوئے نئی ترقی کی راہ ہموار کی جائے ۔
چوتھا ستون ترقی کی بنیاد مضبوط کرنا ہے۔ علاقائی توانائی اور غذائی تحفظ کے شعبوں میں تعاون کو فروغ دیا جائے ، سرحد پار بدعنوانی کی روک تھام اور گورننس کو گہرا کیا جائے ، قدرتی وسائل کے مناسب استعمال اور تحفظ کے لیے مزید اقدامات کیے جائیں تاکہ اقتصادی ترقی کو پائیدار بنایا جا سکے۔چین ہمیشہ کی طرح ایشیا پیسیفک تعاون کی حمایت جاری رکھے گا۔
شی جن پھنگ نے اعلان کیا کہ چین ایشیا پیسیفک اقتصادی تعاون کی عملی سرگرمیوں کے لیے 20 ملین ڈالر فراہم کرے گا۔ چین شین زین میں ایشیا پیسیفک کمیونٹی ریسرچ سینٹر قائم کرے گا جو پالیسی تحقیق اور تبادلوں کا انعقاد کرتے ہوئے علمی معاونت فراہم کرے گا۔ چین ایشیا پیسیفک تعاون کی بنیاد پر ڈیجیٹل ٹیکنالوجی، سرحد پار ڈیٹا کے بہاؤ، صاف توانائی اور چھوٹے و درمیانے درجے کے کاروباری اداروں کی ترقی سمیت مختلف شعبوں میں تعاون کے ادارے قائم کرے گا تاکہ ایشیا پیسیفک خطے میں جدت اور سبز ترقی کو فروغ دینے میں مدد مل سکے
دنیا میں صدی کی بڑی تبدیلیاں تیزی سے رونما ہو رہی ہیں، چینی صدر
- November 19, 2026
- 0 Comments
- Less than a minute
- 3 Views
- 7 hours ago

Share This Post:
Related Post
بڑی طاقتوں کے درمیان مثبت باہمی تعامل وقت کی
November 19, 2026
بزرگوں میں تحفظ کا احساس مسلسل مضبوط ہو رہا
November 19, 2026
ایشیا پیسیفک کی مشترکہ خوشحالی علاقائی ترقی کا قابلِ
November 19, 2026
تعاون کی دعوت میں موجود چین کے مواقع کو
November 19, 2026
آلوؤں کے شہر” سے “ٹوکن کے شہر” تک: اولانقاب
November 19, 2026
امریکہ اور چین دونوں ممالک بہت طاقتور ہیں ،
November 19, 2026

Leave feedback about this