*چین کا مونٹی نیگرو کے ایک چین اصول پر قائم رہنے کا خیر مقدم

مونٹی نیگرو کے صدر یاکوف میلاتووچ نے سیٹینجے شہر میں چینی وزیر خارجہ وانگ ای سے ملاقات کی۔
یاکوف میلاتووچ نے وانگ ای سے درخواست کی کہ وہ صدر شی جن پھنگ تک ان کی جانب سے دلی خیرسگالی کا پیغام پہنچائیں۔ انہوں نے چینی وزیر خارجہ کے مونٹی نیگرو کے پہلے تاریخی دورے کا خیرمقدم کیا۔ میلاتووچ نے کہا کہ رواں سال مونٹی نیگرو اور چین کے درمیان سفارتی تعلقات کے قیام کی 20ویں سالگرہ منائی جا رہی ہے، اس لیے یہ دورہ نہایت علامتی اہمیت رکھتا ہے۔ مونٹی نیگرو ایک چین کے اصول پر مضبوطی سے کاربند ہے اور چین کے ساتھ دوستانہ تعلقات اور باہمی مفاد پر مبنی تعاون کے فروغ کے لیے پُرعزم ہے۔ گزشتہ 20 برسوں کے دوران دونوں ممالک کے درمیان مختلف شعبوں میں تعلقات نے نمایاں نتائج حاصل کیے ہیں، جبکہ بنیادی ڈھانچے، تجارت و معیشت اور سیاحت تعاون کے تین اہم شعبے بن چکے ہیں۔ مونٹی نیگرو کو امید ہے کہ وہ چین کے ساتھ سیاسی بات چیت کا سلسلہ جاری رکھتے ہوئے باہمی احترام کی بنیاد پر عملی تعاون کو مزید گہرا کرے گا، تاکہ دونوں ممالک کے عوام کو زیادہ فوائد پہنچائے جا سکیں۔
وانگ ای نے صدر شی جن پھنگ کی جانب سے صدر میلاتووچ کو پُرتپاک خیرسگالی کا پیغام پہنچایا۔ انہوں نے کہا کہ چین مونٹی نیگرو کی حکومت کی جانب سے ایک چین کے اصول پر ثابت قدمی سے عمل درآمد کو سراہتا ہے، مونٹی نیگرو کے عوام کے منتخب کردہ ترقیاتی راستے اور طرز حکمرانی کا احترام کرتا ہے اور اس کا قابلِ اعتماد اور بھروسا مند شراکت دار بننے کے لیے تیار ہے