کمیونسٹ پارٹی آف چائنا کی بیسویں مرکزی کمیٹی کے پانچویں کل رکنی اجلاس کو سمجھنا

کمیونسٹ پارٹی آف چائنا کی بیسویں مرکزی کمیٹی کا پانچواں کل رکنی اجلاس 26 سے 29 اکتوبر تک بیجنگ میں منعقد ہوگا۔ اجلاس میں کمیونسٹ پارٹی آف چائنا کی جامع اور سخت حکمرانی کو مسلسل آگے بڑھانے سے متعلق اہم امور پر تفصیلی غور کیا جائے گا۔قابلِ ذکر بات یہ ہے کہ اس اجلاس میں پانچ سالہ منصوبے کی تجاویز کے بجائے پارٹی کی حکمرانی پر توجہ مرکوز کی جائے گی۔ اس کی وجہ یہ ہے کہ بیسویں مرکزی کمیٹی کے چوتھے کل رکنی اجلاس میں پہلے ہی “پندرہویں پانچ سالہ منصوبے” کی تجاویز منظور کی جا چکی ہیں۔ ان تجاویز میں آئندہ پانچ سالوں تک کے اقتصادی اور سماجی ترقی کے اہداف متعین کیے گئے ہیں، جبکہ جدید صنعتی نظام کی تعمیر، سائنس و ٹیکنالوجی میں خود انحصاری، اندرونی طلب میں اضافے اور عوامی فلاح و بہبود کے تحفظ جیسے اہم شعبوں کے لیے ترجیحات بھی واضح کی گئی ہیں۔سال 2026 میں کمیونسٹ پارٹی آف چائنا اپنے قیام کی 105ویں سالگرہ منا رہی ہے۔ یہ ” پندرہویں پانچ سالہ منصوبے” کے نفاذ کا پہلا سال بھی ہے، جس کے دوران اصلاحات اور ترقی سے متعلق مختلف اقدامات کو آگے بڑھایا جا رہا ہے۔ اصلاحات اور ترقی کے اس اہم مرحلے پر پانچویں کل رکنی اجلاس میں “پارٹی کی جامع اور سخت حکمرانی” کو مرکزی موضوع بنانا اس بات کی عکاسی کرتا ہے کہ سی پی سی اپنی تنظیمی تعمیر کو مضبوط بنانے کے لیے طویل المدتی حکمتِ عملی پر عمل پیرا ہے۔