چین-جاپان تعلقات میں موجودہ سنگین مشکلات کی ذمہ داری مکمل طور پر جاپان پر عائد ہوتی ہے، چینی وزارت خارجہ

بیجنگ :چینی وزارت خارجہ کے ترجمان گو جیاکھون نے معمول کی پریس کانفرنس میں چین جاپان تعلقات کے حوالے سے کہا کہ چین اور جاپان کے تعلقات اس وقت شدید مشکلات کا شکار ہیں اور اس کی ذمہ داری مکمل طور پر جاپان پر عائد ہوتی ہے۔ ترجمان کا کہنا تھا کہ تقریباً ایک سال قبل، جاپانی رہنما نے تائیوان کے بارے میں غلط بیانات دیے ، کھلے عام امور تائیوان میں فوجی مداخلت کا غلط پیغام دے کر چین کی قومی خودمختاری کو چیلنج کیا اور چین-جاپان تعلقات کی سیاسی بنیادوں کو نقصان پہنچایا ۔ ترجمان نے کہا کہ بدقسمتی کی بات یہ ہے کہ ایک سال گزرنے کے بعد بھی جاپان کی حکومتی انتظامیہ نے اپنی غلطیوں پر غور کرنے اور انہیں درست کرنے کے لیے کوئی ٹھوس قدم نہیں اٹھایا ۔ چین جاپان تعلقات کے معاملے پر چین کا مؤقف مستقل رہا ہے۔ ترجمان نے زور دے کر کہا کہ جاپان کے لئے اس وقت فوری ضرورت اس بات کی ہے کہ وہ امور تائیوان میں اپنے غلط قول و فعل کو جلد از جلد درست کرے، اہم بات یہ ہے کہ وہ تاریخی مسائل پر درست رویہ اپنائے، اور بنیادی بات یہ ہے کہ وہ چین کے بارے میں اپنے فہم میں معروضیت اور معقولیت کو حقیقی معنوں میں حاصل کرے۔